| Fai 的个人资料Fai照片日志列表 |  工具  帮助 |
|
Faifai 10月16日 what are you doing? 嗯嗯，人生真係好多嘢做，特別係你搵到嘢做。所以我搵到嘢做之後都好多嘢做…
做嘢之後啲時間真係過得飛咁快，話咁快就兩個月…一早起身返工，食完lunch又就快放工，放工之後唔早啲返屋企訓覺聽朝起身就陰公。第二日又一早返工…連星期六都要返半日工……嘩！人生真係有好多時間用咗黎打工…好彩，總算搵到一份自己想做o既工~ 無錯，我終於做到exhibition design喇~~同埋我覺得份工都算過得去啦，雖然我好似係班入面做到design行人工最低果個…但我都好似係做得最開心果個。起碼我宜家仲未想resign吖XDD~~唔知佢地係咪真係咁辛苦呢？真係一分錢一分貨。不過如果我做多排都唔到我想要o既價位但又多嘢做咗，到時我應該都會想resign喇。因為我覺得做到嘢就要加人工，做唔到嘢咪炒囉，天經地義。同埋我有信心當我有半年經驗加埋半年o既work，應該好大機會有人請我。皆因我見人地啲圖都係一般，除非佢二、三日就出到，如果唔係我有信心搵到工！可能會辛苦啲，人工可能只係高啲啲，但再識多啲人都好吖。其實我都算係咁啦，喺依段其間都叫做自學咗Vray喇，公司真係得我一個識3ds max咋，咩都自己顧自己啊，唔得真係自己諗到得咋。雖然都仲有好多嘢做得唔太好，但無經驗算係咁啦。所以我覺得依樣嘢係叻仔㗎 (果啲話想學咩program o既，只要你真係想學，只係要識用，自學一定得)~~ 不過我當然知道仲有太多嘢要學啦，仲要多加努力！漫漫長路啊，但希望快啲有design得啦，我真係算努力諗㗎！！
到目前為止，我總算踏上預計o既路。雖然仲係慢慢踏步，但我唔介意比人走慢啲，一來我遲遲都未起步、二來我一定要達到。所以一向都覺得做人知道自己做緊咩就得，just do it~人生有幾多個十年，但真係有好幾十年；慢慢來，比較快。 6月9日 諗咩諗嘢 充實的日子過得好快，宜家終於都得閒啲喇。不過真係發生咗好多事，有好有唔好，好多嘢諗，但都算完晒喇。而啱啱開始得閒仲未有咩搞，就係咁上網。睇下啲fd o既xanga啊、facebook啊，而今次睇到leanne個xanga真係有啲感觸呢，我都覺得係咁，但無咁誇呀~不過我真係幾鍾意睇佢個xanga，起碼啲中文水平好過我好多仲要感情豐富啊~~哈哈。不過諗多兩諗，今次真係諗多咗…其實好多嘢都係好簡單，諗太多了，要對佢有信心，算啦算啦。加上我又要面對新o既世界喇！搵工搵工！但一諗…啱啱先完咗咁多嘢，都係唔想諗啊~~~都係玩下先啦~去埋個旅行先算~~但依兩日又開始落雨…唔通連個天都唔鍾意我……沙灘啊！唉…宜家又搵唔到人去睇戲喇，有咩搞呢…但諗諗下又好多嘢要做，做人真係矛盾。朋友啊！我唔想諗嘢喇，你地快啲諗下有咩搞啦~哈哈 4月16日 信不信由你1. 上過TVB勁歌金曲跳hip hop 2. 晚飯可以食一嘜米、一斤菜、半隻雞 3. 一個人食得晒ruby Tuesday個Colossal Burger 4. 小學時，話要識用筷子，一個月就令自己學識用筷子 5. 做咗ZARA兩年 6. 算有定其捐血，仲有一隻錶係捐血紀念品… 7. 完成咗香港青年獎勵計劃銀章 8. 係香港電擊高達模型王大賽2001年初級組冠軍 9. 喺機舖識到一班好朋友 10. 三年前係一個連PowerPoint都唔識用o既電腦白癡。今日，我識用Word, PowerPoint, Excel, Photoshop, Illustrator, Flash, Indesign, Premiere, Aftereffects, 3ds Max, AutoCAD, Final cut pro, etc. 2月17日 駕馭影像 一個估唔到o既機緣巧合，我竟然有機會一試D 3！！不得了，不得了~雖然我覺得不久o既將來會一試，但真係估唔到咁快。一試，嘩！真係會駕馭影像。自問係新手，但高階機就真係高階機，不單只機！有埋頂級鏡o既時候！unbelievable~ 識扲個掣都係高手啊！雖然佢有好嘢可以俾你微調，但唔識都無所謂，用auto setting都殺晒啊！不過，佢真係好重，好大部，同超貴… 一分錢一分貸，真係唔會錯。 但唔理喇，有得駕馭一日得一日，宜家盡情影啊~~~ 2月6日 去影相前日終於喺依個無聊o既假期中過咗充實o既一日。出去影相，一個唔洗錢o既好活動。約出黎影相係第一次，加因問fd借咗部D80玩，想認真用下nikon機。一班人影相有好多攪笑影，特別係果個路過令我輸晒o既細路…但真係超好笑。影完之後就出mk還機同食飯，咁見有時間去買埋書啦，點知未出…見仲有啲時間就去咗捐血，可惜依次捐血幾攞命，好耐無試過咁痛，宜家個針位有啲瘀囉…咁食埋飯無嘢做就歸家喇，咁就一日喇。
到咁琴日睇返啲相，真係覺得唔錯o既唔過五張，百分一…但果日影到一半都知，雖然見到好多嘢可以影，但到影果下就唔知點影，只可以扲掣…可能仲未了解部機同埋光圈快門，啲色水真係麻麻。加上我隻手又震過猫王，十張有七八張唔要得…不過依啲都係小問題，最大問題都係構圖，好似張張都係咁，無層次兼無味道，無一張影到好似網上啲高手咁…影一次相就知道咁多嘢，真係要再影多啲喇。好想影到靚相，但仲有好漫長o既路啊，而我仲未起步… 1月30日 新年啊牛年快樂~
咁又一年喇，究竟我個人成長咗幾多呢，定都係果個輝兆呢？我都唔肯定啊。但真係覺得一年過得好快，都應該係開心o既時光o既關係喇~但新年o既假期真係有啲漫長，阿爸阿媽去咗玩，周圍o既舖頭又唔開，又唔想洗啲無謂錢(食嘢食咗唔少，真係唔係講笑…)，咁一丁友真係唔知有咩好做，為有喺屋企唔知做咩喇…除咗食訓痾，痾食訓，訓食痾，食痾訓，痾訓食，訓痾食……好彩仲有部電腦，唔係我一定悶到對住埲牆笑。宜家喺屋企都仲有部腦，出街就唔知有咩做，所以相機都係一個出路。所以日又上網夜又上網，係咁上dchome，中毒日深，我估好快會買相機喇…因為紙上談兵真係開始廢喇，睇到太多要有嘢喺手先明o既嘢，真係好想買喇。我估都要辛苦啲返工搵錢先得，唔係都無咩計。宜家我啲現金只可以買支鏡，但仲有個body…真係唔太想用銀行啲錢，唔通真係要賣嘢…不過都要喇，一黎有錢，二黎有位，要開始諗諗……不過，其實我仲記得買部腦果時係咁同自己講：「只要有imac我就夠啦，唔洗咁快買相機都得。」但果然係得個諗字，我係無可能唔得一想二，都係面對現實，努力啲搵啲錢出黎啦…然而喺我未諗到點搵錢o既時候，我已經知道我將會洗唔少錢……人生 祝 我 心想事成 12月21日 生活 今個六日好難得唔返工，好似有啲時間。但近排的確幾忙，啲時間唔知去晒邊…如何運用時間真係一門超高深o既學問，我唔識。聖誕假將至，好想去玩，但又好多嘢要死出黎，都唔知點算…都係果個方案，唔好約咁多人，等人約，咁應該無咩節目，慳時間又慳錢。但講開錢，點解都仲係一蚊都慳唔到…都無咩買嘢，唔通真係食得晒…我買相機o既計劃真係好漫長……但買機o既意欲又愈來愈大，為有望梅止渴。不停上網遊走，對器材o既認知增加不少，雖然都係紙上談兵，但真係有啲用。好似頭先睇咗一篇講給新手的幾個「要」和「不要」真係稗益良多。但因智識產權唔方便轉貼，想知問我再send俾你啦。不過，宜家買咗都唔知有無時間用，都係等遲買多折扣啦。聽日又要早起拍嘢，仲有嘢星期一交，都係唔好諗咁多喇。 |
|||||||||||||
|
|
